Léigh anois go cúramach, ar do scrúdpháipéar, na treoracha agus na ceisteanna a ghabhann le Cuid A.

BEEEEEEEEEEEEEEEEEEEEEEEEP

Comhrá a hAon
Tomás: Haigh, a Orla. Conas atá tú?

Orla: Ó, a Thomáis, tá deifir orm. Táim i mo bhall den ghrúpa scoile Lámh

Chúnta agus tá gradam le bronnadh ar an ngrúpa ag ócáid speisialta a bheidh ar siúl i leabharlann na scoile anocht.

Tomás: Cé a bhronnfaidh an gradam oraibh?

Orla: An tAire Leanaí agus Gnóthaí Óige.

Tomás: Ó, go maith. Conas a thuill sibh an gradam sin?

Orla: Bhí dhá aidhm againn: ceangal a dhéanamh idir an scoil agus grúpaí
sa phobal áitiúil, agus cur le tuiscint na scoláirí ar chúrsaí sóisialta.
D’éirigh linn an dá aidhm sin a bhaint amach.

Tomás: Maith sibh. Cé leis a raibh sibh ag plé sa phobal?

Orla: Sa chéad téarma bhíomar ag obair le háras na seandaoine. Théadh
grúpa scoláirí go háras na seandaoine uair sa tseachtain. Bhídís ag
seinm ceoil nó ag canadh amhráin do na daoine ann.

Tomás: Ba dheas an rud é, a bheidh i gcomhluadar na seandaoine, a Orla.

Orla: Chomh maith leis sin, a Thomáis, bhí baint ag an scoil leis an gcraobh
áitiúil den eagraíocht Focus Ireland. Tá tuiscint níos fearr ag na scoláirí
anois ar dhaoine atá gan dídean.

Tomás: Bíonn cuid mhór cainte sna meáin faoi dhaoine gan dídean na
laethanta seo. Cad a rinne an grúpa Lámh Chúnta chun na scoláirí a
chur ar an eolas faoi sin.

Orla: Bhí lá eolais againn sa scoil i mí an Mhárta. Labhair aoichainteoir ó
Focus Ireland leis na scoláirí.

Tomás: Cad iad na pointí a lua an t-aoichainteoir leis na scoláirí?

Orla: Mhínigh sé na cúiseanna a mbíonn daoine áirithe gan dídean, an
saghas saoil a bhíonn ag daoine gan dídean agus na seirbhísí a
chuireann Focus Ireland ar fáil do dhaoine gan dídean.

Tomás: Tá ionad lae ag Focus Ireland díreach trasna ón scoil. An mbíonn
scoláirí ag cabhrú go deonach san ionad lae sin?

Orla: Bíonn cinnte. Bíonn grúpa scoláirí, mise ina measc, ag obair san ionad
lae ar feadh dhá uair a chloig gach Sathairn. Bímid ag ullmhú beartáin
bhia do na daoine a bhuaileann isteach ann.

Tomás: Ní neart go cur le chéile, a deir an seanfhocal, a Orla, agus is fíor é sin
i gcás na scoláirí i do scoilse.

Orla: Is fíor cinnte. Ach caithfidh mé brostú.

Tomás: Bain taitneamh as an oíche, a Orla.