.اتمنى المچان الي الگعده وياگ.
. ما الگاك بس رايد اثـر منگ.
. بلـچن چلمه ضلـت ما نگلها الريح.
. الگاها وتجاوب بالنشد عنگ .
. لو ادور عطر منگ بقى على الگاع .
. احط نفسي اعليه افيش اشمگ .
. اجدامي من النشد دوخن راس الگاع .
. يدورن اثـر منگ بي يتبعـنگ.
. عگدره براس فگري.
. گلي احلها شلون.
. ايس لو اضل للموت انطرنگ.

فابشرك جـذبت من كلت اقـللها
وكمت وحـده ولك بلثانيه اشـعلها

عكب ما صـار اصـبعي من التتن لونينن
رايـح وبسـهوله تريد ابـطلها
شغـله براسي تفـتر دوختنـي هواي

شـكد تفسير ادور ما لكـيتلها
عليك شـلون هانت بـدلتني بـناس
ويايه بطـرف عيـنك ماتصـدلها

ونه كد ما وفـي نوعية الدخـان
جي عشـرت عمـر ما جنت ابـدلها

ذني ايام عمـري مشربكـات خيـوط
والـي رب الـكريم البـاجر يحلـها

رگز بلگبور المالهـن زاي وگعد ويا نفسگ
وصـفن لباچر هاذ انت وگشختگ ولعطر

ولحـيل تاليتـگ مثـلهم تگسر الخاطر
مـو ربعگ اخـوانگ زين اذا ذگروگ

مگانگ فارغ وبـيتهم عامـر شمـا
دارت السـنه وزوارگ يقلون وگبرك
يتـيهونه بيا فرع صـاير .

.2023.
انـه بنص حـرب چي منـطي گلمه وياگ
نمـت ويا الجـثث بعـيون مفتوحـه

نـمت ويا الجـثث ما خفـت وهتـزيت
خـفت من گتلي گلمن يلتهي بروحـه

.2024.
انه ابنص الحـر مومنطي گلـمه ويـاك

عفتها وشـفت موقف گون ما شـفته
بنص صـوط الرمي بلگوه فـت العين

شفتـهم ما رمـو واول رصاصه انته

واگف عـلدرب منتـضرگ تعـود
دفـني تراب رجليـن اليمرون

صحتلـگ لا تروح تخـيل شلون
مثـل صيحت المـيت لليدفـنون

انه احتاجيت جيتك حاجه الصوة
للخـرسان خايب مـن يغـرگون

بـدونك تدري عمري يخلص بساع
مـثل عمرالجكاره بحـلك لمزجون

الله موجود