Und wie's do isch!
Ich ha bis jetzt öbbe e Stund lang gspilt und bi total begeischteret!

Vo de sehr schön gmachte Maps bis zu de usklüglete Klasse, es stimmt eifach alles!

Aber es bringt nid vill wenn ich do nur schrib... das isch öbbis wo me halt selber muess probiere.

Bis jetzt het mir d'Medic Klass am beschte gfalle. Vo de Maps her het 2fort, wie erwartet, sehr vill Spass gmacht. Mitem neue Hydro het Valve ebefalls e super Map abgliferet. Ich bi gspannt öb bald au no Avanti usechunnt!

-luca

Es isch jetzt 7:00, am Zischtig, 18. September, und immerno isch d'Beta vo TF2 nonig dusse!

Es isch eifach e bits enttüschend, wie Valve alles macht, zum das us irgendwelchne Gründ usezrücke. Wohrschinlich mien mir warte, bis im Pazifik 12i z'Nacht isch. Denn isch bi eus scho wider obe.

Naja, nach 8 Johr warte verkrafte mir das aber no! ;)

D'TF2 Beta isch immernonig dusse, und es isch jetzt 8:15 (GMT+1).

Lut eme Bricht wo erscht grad use cho isch, söll d'Beta erscht "spot am Nomitag" usecho. (Quelle: http://www.csnation.net/comments.php?id=8953)
Was heisst das für eus? Wenns bi Valve (GMT-8) spot am Nomitag usechunnt, sege mir mol am 16:00, denn chunnts bi eus (GMT+1) erscht am 1:00, am 18.09., also am Zischtig use!

Sehr enttüschend wenn dir mi froget. Mol luege...

In genau 6 Stund sölls sowit si: Am Zwölfi z'Nacht (GMT) söll d'Beta Version für alli, wo TF2 vorbstellt hei, freigschalte werde.

Ich wird notürlich denn go s'Spil teschte und aschliessend do no brichte wie's mir gfalle het.
Also: Immer schön am Ball blibe!

-luca