შესავალი: ამ თამაშის შესახებ ლავქრაფთისეული თამაშების კრებულიდან ამოვიკითხე და სწორად გადავწყვიტე მისი დახურვა. ყოველმხრივ დახვეწილი და საინტერესო თამაშია.
თამაშის მსვლელობა: განსაკუთრებულს ვერაფერს ვნახავთ აქ, გარდა იმისა რასაც თავგადასავლის (Adventure) ჟანრი გვთავაზობს, თუმცა რასაც ვნახავთ დახვეწილი და თითქმის უნაკლოა. რამდენიმე, ოდნავ ბუნდოვანი თავსატეხის გარდა, ვერაფერს ვერ დავიწუნებდი.
გარეგნობა: მიუხედავად პიქსელური სტილისა, ყველაფეირ საკმაოდ დახვეწილია და ტექსტურები არ მეორდება (ან იმდენად მცირედ რომ ვერ შევამჩნიე), ყოველი ადგილი განსხვავებულია და სიახლის შეგრძნებას ტოვებს. ძალიან კმაყოფილი დავრჩი, რადგან თავიდან თამაში მინიმალისტური მეგონა, თუმცა საკმაოდ მრავალფეროვანი აღმოჩნდა. ყველა ეპიზოდს სერიალივით შესავალი აქვს, რაც გემოვნებითაა გაკეთებული და არც ერთხელ არ მქონია გამოტოვების სურვილი, მიუხედავად იმისა, რომ ერთი და იგივეა.
მუსიკა: მიუხედავად იმისა, რომ გარეგნობა პიქსელურია, მელოდიები პირიქით - უმაღლესი ხარისხისაა. მოტივი იკვეთება მსუბუქად და რეპერტუარის მელანქოლიური თემატიკის მიუხედავად, საკმაოდ მრავალფეროვან ჟღერადობას ვიღებთ. ამასთან ერთად მუსიკა ულამაზესად ერწყმის მოვლენებსა თუ გარემოს ხმებს, რაც საკმაოდ სასიამოვნო განწყობას ქმნის. როგორც უკვე ვახსენე, ძალიან მომეწონა ყოველი ეპიზოდის შესავალი, რომლის მუსიკალური გაფორმება, მისტიკის თემატიკაზე არსებული ძველი სერიალების შეგრძნებას აჩენს. არის პიანინო, ჩელო და ვიოლინო, ხანდახან სოლო პარტიებად და ხანდახან ერთად, რაც საბოლოო ჯამში მრავალსახოვან მელოდიებად ითარგმნება.
მოვლენები: ამ თამაშის ერთ-ერთი მთავარი სიძლიე, მოვლენებია. სიუჟეტი შთაგონებულია პოს, ლავქრაფთის და მათი თანამედროვეების ნაწარმოებებიდან. ამოუცნობის ნაწილი, ძალიან მძიმედ არ გეხება, ყველა მოვლენა გემოვნებითაა ჩასმული, ზომიერად გასაგები და ზომიერად ამოუცნობია ერთდროულად. ეპიზოდური დაყოფა, შესვენების კარგ შუალედს იძლევა. ყოველი ეპიზოდი ასევე ისეთი სიგრძსაა, რომ მოთამაშე არ დაღალოს და ვერც ერთ შემთხვევაში ვერ იტყვი, რომ რაიმე გამეორებადია.
ბოლოსიტყვაობა: რამდენადაც ვხვდები, ეს თამაში არის ფანების პროექტი და იგრძნობა თუ რა სიყვარულით და ყურადღებითაა იგი გაკეთებული. ამასთან ერთად მეორე "სეზონიც" არის, რომელიც ბოლოში არსებულ გაურკვევლობას განავრცობს და ისტორიას გააგრძელებს. 10/10 ჩემი აზრით.

would recommend